Caritasi i Shqipërisë së Jugut në Administratën Apostolike të Jugut, është organizmi baritor I Kishës Katolike.
Caritas ka lindur në shpirtin e rinovimit të filluar nga Këshilli i Dytë i Vatikanit.
Caritasi Shqipërisë së Jugut, angazhohet në territorin ku qëndron në animimin e komunitetit kishtar dhe civil, në promovimin e instrumentave baritore dhe shërbimeve: qendrave të dëgjimit, Observatorin e varfërive dhe burimeve, Caritas-eve famullitare etj.
Caritasi i Shqipërisë së Jugut punon për t’i shërbyer e për t’i dhënë zë njerëzve të varfër dhe të disavantazhuar, lufton për një botë ku çdo njeri të jetojë në dinjitet dhe në paqe.
Ne besojmë që shoqëria mund dhe duhet të luajë një rol vendimtar në luftën kundër varfërisë dhe përjashtimit social. Për realizimin e programeve që synojnë këtë, Caritas Jug kërkon mbështetje nga individë, biznese, fondacione bamirësie ose agjensi qeveritare.
Caritas Jug që prej vitit 1992-1993 ofron kujdes shëndetësor parësor nëpërmjet rrjetit të ambulancave të lokalizuara në zona të ndryshme të Shqipërisë së Jugut. Nga ky shërbim përfitojnë çdo vit rreth shumë persona.
Caritasi i Shqipërisë së Jugut vlerëson rolin e padiskutueshëm të misionarëve dhe vullnetarëve laikë në mbarëvajtjen e shërbimeve në këto qendra, duke i kthyer ato shpesh në qendra të specializuara për mjekime dhe trajtime specifike (përmendim këtu trajtimin e plagëve nga djegie të gradëve të ndryshme në qendrat shëndetësore të lokalizuara në: Elbasan, Gramsh, Lumas, Mollas, Lushnje, Uznovë, Fier, Plug, Sarandë, Orikum, Vlorë, etj).
